Shqipëria e Sylvinhos nuk është favorite për të fituar ndeshjen e sotme ndaj Polonisë, edhe pse sfida do të luhet në stadiumin “Air Albania”.
Kompanitë ndërkombëtare të basteve shohin favorite skuadrën polake për të fituar këtë takim. Por kësaj here koeficientët janë disi më të ekuilibruar, teksa triumfi i miqve kuotohet me 2.38. Nga ana tjetër, barazimi me 3.10, ndërsa fitorja e mundshme e kuqezinjve me 3.20.
Shqipëria ka një bilanc negativ ndaj Polonisë, duke mos fituar asnjë ndeshje nga 11 të luajtura, vetëm dy barazime dhe plot 9 humbje.