Ish-ministri i Drejtësisë, Ylli Manjani ka folur për vetëdorëzimin në polici të ish-deputetit të PS-së, Alqi Bllako. Për të lëvizjet kanë qenë për një tentativë për t’u larguar drejtësisë, por mesa duket ka qenë e dështuar.
”Policia gjatë ditës së djeshme ka humbur kontrollin mbi këtë operacion, por nuk do ta pranojë. Njoftimi i SPAK është i sakti, i duhuri sepse SPAK i referohet dokumenteve zyrtare. Në dokumentet zyrtare rezulton ora 3 e mëngjesit ora e ekzekutimit të vendit të gjykatës. Opinioni publik duhet të besojë SPAK”.
SPAK përgënjeshtroi Policinë e Shtetit për vetëdorëzimin e Bllakos. Sipas SPAK-ut, Bllako u dorëzuar vetë në Drejtorinë e Policisë së Tiranës në orën 03:30 të datës 1 prill dhe jo mbrëmjen e 31 marsit, siç u njoftua nga Policia e Shtetit.
