Juglindja e vendit është përfshirë nga bora e shoqëruar edhe me erë të fortë dhe ulje te temperaturave, çka ka krijuar vështirësi në lëvizjen e mjeteve.
Problematikat janë shfaqur ne aksin Pogradec-Korçë, ku brenda pak minutave është bllokuar lëvizja e mjeteve. Problematikë me qarkullimin është hasur edhe në Qafë-Thanë.
Po ashtu Policia u bën apel drejtuesve të mjeteve të tregojnë kujdes, të kufizojnë shpejtësinë si dhe të pajisen me goma dhe pajisjet dimërore, pasi edhe në orët në vijim situata do të vijojë të jetë problematike me reshje bore dhe temperatura që do të vijnë në ulje disa grade nën zero.
