Në tryezën e proçesit ”Open Balkan”, janë ulur deri më tani kryeministri Edi Rama, Zoran Zaev nga Maqedonia e Veriut dhe presidenti Serb Aleksandar Vuçiç, por pritet që të ketë ndryshime. Në drekën e kancelares Angela Merkel në Tiranë, është folur edhe për Ballkanin e Hapur.
Zoran Tegeltija, kreu Këshillit të Ministrave të Bosnje-Hercegovinës, ka pohuar se vendi i tij është i gatshëm të ulet në tryezën e Ballkanit të Hapur. ”Ne jemi duke i dhënë përgjigje pikëpyetje të fundit që kemi dhe fillim viti 2022 do të na gjejë si pjesë të Ballkanit të Hapur”.
Ky zhvillim me Bosnje-Hercegovinën brenda ”Open Balkan”, formon një shumicë prej katër vendesh si pjesë e kësaj iniciative duke lënë të vetëm në kundërshtitë e tyre Kosovën dhe Malin e Zi.
