BE jep 1 miliardë euro për Ukrainën dhe për vendet që po pranojnë refugjatët e luftës

Komisioni Evropian ka bërë të ditur se do të ofrojë 1 miliard euro për të mbështetur Ukrainën dhe vendet që pranojnë refugjatët që i ikën luftës.

“600 milionë…do të shkojnë në Ukrainë, tek autoritetet ukrainase dhe pjesërisht në Kombet e Bashkuara. Dhe 400 milionë euro do të shkojnë për shtetet e vijës së parë që po bëjnë një punë kaq të jashtëzakonshme dhe po ndihmojnë refugjatët që po vijnë”, tha von der Leyen gjatë një takimi për mbledhjen e fondeve për Ukrainën në Varshavë.