Bombarduesit rusë provokojnë sërish

Avionët luftarakë të Flotës Ajrore Mbretërore në Britani u ngritën në fluturim të premten pasi dy avionë bombardues rusë u afruan rrezikshëm në brigjet e Anglisë.

Një zëdhënës i Ministrisë së Mbrojtjes tha se dy avionët u shoqëruan jashtë zonës së interesit.

Ai tha se avionët nuk kanë hyrë në hapësirën sovrane britanike.

Megjithatë kjo nuk është hera e parë që ka tensione të tilla në qiejt e Europës.

Ky incident vjen pikërisht në ditën kur Sekretari i Mbrojtjes në Britani Michael Fallon paralajmëroi se ka një rrezik real që Rusia të destabilizojë tre shtetet baltike.