Disa të vrarë e qindra të plagosur nga shembja e arenës së ndeshjes me dema

Të paktën katër persona janë vrarë dhe më shumë se 300 janë plagosur pasi një stendë u shemb gjatë një ndeshjeje me dema në Kolumbinë qendrore.

Pamjet treguan tribunën trekatëshe prej druri të mbushur me spektatorë duke rënë në një stadium në El Espinal. Një dem vazhdoi të endet nëpër fushë ndërsa njerëzit iknin nga rrënojat.

Mes viktimave janë dy gra, një burrë dhe një fëmijë, tha guvernatori i Tolima, Jose Ricardo Orozco. Zyrtari shëndetësor i rajonit tha se spitalet kishin trajtuar 322 persona nga të cilët katër ishin në kujdes intensiv.

Ngjarja e së dielës ishte pjesë e festimeve të festivalit popullor San Pedro.

Presidenti në largim Ivan Duque tha se do të kishte një hetim, ndërsa presidenti i zgjedhur Gustavo Petro u kërkoi zyrtarëve vendas të ndalonin ngjarje të tilla.

“U kërkoj kryetarëve të bashkive të mos lejojnë më shumë ngjarje që përfshijnë vdekjen e njerëzve ose kafshëve”, tha ai.