Donald Trump mbërrin në Britani për vizitën shtetërore treditore

Presidenti i SHBA Donald Trump dhe Zonja e Parë, Melania Trump kanë mbërritur në Britaninë e Madhe për një vizitë shtetërore tre-ditore.

Air Force One u ul në aeroportin e Stansted në orën 09:00 të mëngjesit të së hënës.

Trump do të takohet me anëtarët e familjes mbretërore dhe pritet të diskutojë ndryshimet klimatike dhe firmën e teknologjisë kineze Huawei gjatë bisedimeve me kryeministrin në largim Theresa May.

Mbretëresha do të organizojë një banket shtetëror në Buckingham Palace të hënën mbrëma për presidentin dhe Zonjën e Parë Melania Trump.

Protestat janë planifikuar në të gjithë Mbretërinë e Bashkuar gjatë vizitës, duke përfshirë tubimet në Londër, Manchester, Belfast, Birmingham dhe Nottingham.

Përpara vizitës së tij, presidenti Trump tha për The Sun që ai po mbështeste kandidatin e lidershipit Tory Boris Johnson për të qenë kryeministri i ardhshëm i Mbretërisë së Bashkuar.

Ai gjithashtu tha: The Sunday Times se kreu i Partisë Brexit Nigel Farage duhet të përfshihet në negociatat e qeverisë për t’u larguar nga BE.

Të hënën, presidenti do të marrë një turne në Westminster Abbey dhe gjithashtu do të takohet me Princin Charles dhe dukeshën e Cornwall për çaj në Clarence House.

Në banketin shtetëror, Presidenti Trump dhe Mbretëresha do të bashkohen me Dukën dhe dukeshën e Kembrixhit.

Dukesha e Sussex nuk do të marrë pjesë pas lindjes së djalit të saj Archie, i cili është më pak se një muajsh.