Në një vit ku konfliktet dhe tensionet po rriten në mbarë globin, Indeksi Global i Paqes 2025 (GPI) konfirmon se disa vende vijojnë të mbeten modele stabiliteti dhe sigurie.
Islanda ruan prej vitit 2008 vendin e parë si shteti më paqësor, falë sigurisë së brendshme, mungesës së konflikteve dhe nivelit të ulët të militarizimit. “Komuniteti këtu është baza e ndjenjës së sigurisë,” thotë Inga Rós Antoníusdóttir, duke theksuar edhe rëndësinë e barazisë gjinore.
Irlanda, me politikën e saj të neutralitetit dhe ndjenjën e fortë të komunitetit, renditet e dyta. “Njerëzit kujdesen për njëri-tjetrin, qoftë në qytet apo fshat,” thotë Jack Fitzsimons.
Në vendin e tretë është Zelanda e Re, ku ligjet e rrepta për armët dhe besimi i ndërsjellë krijojnë një mjedis të sigurt.
Austria, edhe pse ka rënë një vend këtë vit, mbetet sinonim i qetësisë dhe neutralitetit, ndërsa Singapori renditet i gjashti, duke ofruar rend dhe siguri të lartë, pavarësisht disa kufizimeve sociale.
Raporti i Institutit për Ekonomi dhe Paqe vlerëson 23 tregues, nga siguria dhe militarizimi, te niveli i krimit dhe stabiliteti politik, duke treguar se politikat e qëndrueshme dhe sistemi social i fortë janë çelësi për një shoqëri paqësore.