Ish i dënuari terrorizon qytetin me byzylyk elektronik, vret katër burra dhe plagos një grua

Një person i armatosur vrau katër persona dhe plagosi një tjetër në pesë vende të ndryshme në qytetin australian të Darvinit, thanë zyrtarët.

I dyshuari 45 vjeçar, i cili ishte i njohur për policinë, u arrestua një orë pasi të shtënat e para u raportuan rreth orës 18:00 sipas orës lokale.

Policia tha se besonte që agresori kishte vepruar i vetëm. Skenat e krimit thuhet se përfshinë një motel dhe një bar.

Kryeministri Scott Morrison tha se vrasja nuk ishte e lidhur me terrozmin.

Sulmet me armë në Australi kanë qenë një dukuri e rralë prej kur vendi rishikoi ligjin e armëve në vitin 1996, pasi një person vrau me armë zjarri 35 persona në Tasmania.

Çfarë dihet për agresorin?

Sulmuesi i dyshuar, i cili kishte qenë në lirim që nga janari, kishte një byzylyk elektronik, tha komisioneri i policisë së Northern Territory Reece Kershaë.

“Ende po përpiqemi të përcaktojmë qëllimin dhe motivimin që qëndron pas ngjarjes,” u tha ai gazetarëve.

Autori i sulmit njoftohet se kishte një pushkë me veprim pompimi dhe u dëgjuan rreth 20 të shtëna.

Dëshmitarë okularë thanë se agresori hyri në hotelin Palms në periferi të Ëoolner dhe hapi zjarr në një numër dhomash përpara se të ikte. Një person thuhet se u vra atje derisa një grua u plagos.

“Një burrë erdhi duke vrapuar me një grua në krahë nga dera tjetër ku është moteli Palms, motel pranë motelit tim dhe e hodhi përpara nesh”, tha një dëshmitar.

“Vrapova dhe mora disa peshqirë dhe ja lidha këmbët në të cilat kishte vrima të shumta dhe gjakderdhje kudo”.

Një tjetër dëshmitar tha se pa njeriun e armatosur që ecte në motel me një pushkë me shina.

“Ai i hapi të gjitha dhomat dhe dukej sikur kërkonte dikë. Shtiu me armë mbi të gjithë.Pastaj e panë të dilte jashtë, u hodh në Toyotan e tij dhe u largua”.

I dyshuari më pas udhëtoi në katër vende të tjera, sipas Sydney Morning Herald, duke përfshirë Qendrën Peter Macauley – një bazë operacioni policor.

Një tjetër person u vra në Buff Club, një tjetër në Gardens Hill Crescent dhe një tjetër në Jolly Street, sipas gazetës.

“Menjëherë pas kësaj, ai u përpoq të hyjë në një stacion policor, me shumë gjasa që të dorëzohej. I dyshuari është anëtar i një bande motorike të njohur për autoritetet, pasi ajo ka një rekord të rëndë kriminal. Ai ishte liruar në janar pas kryerjes së dënimit njëvjeçar dhe mbante një byzylyk elektronik.

Arrestimi i tij u bë në një kryqëzim dhe siç shihet nga pamjet që transmetuar kanalet televizive lokale, ai duket i shtrirë në tokë, duke u përpjekur të shkelmojë policinë që e nxori dhe e tërhoqi nga makina e tij e bardhë” raportojnë mediat.