Kryeministri italian: Jap dorëheqjen nëse nuk ka bashkëpunim politik

Kryeministri italian Giuseppe Conte ka kërkuar dje pasdite një takim me mediat plot 1 vit nga marrja e detyrës si kreu i koalicionit qeverisës 5 Yje-Lidhja.

Conte është shprehur se do të japë dorëheqjen nëse nuk ka bashkëpunim mes dy forcave politike.

“Nëse nuk ka bashkëpunim real mes dy forcave politike do të jap dorëheqjen”.

Deklarata e tij vjen një javë nga zgjedhjet europiane të 26 majit, rezultati i të cilave ka krijuar në çarje mes forcave të koalicionit.

Fitorja e Lidhjes me mbi 34 % të votave, duke u konfirmuar si forca e parë politike në vend dhe humbja e Lëvizjes 5 Yje e cila u kapërcye dhe nga Partia Demokratike e ish-kryeministrit Renzi, ka çuar në ndryshimin e raportit të mazhorancës brenda qeverisë, e krejt i kundërt me atë të një viti më parë pas zgjedheve politike të marsit të 2018./Opinion.al