Pandemia e koronavirusit, rrezikon 50 milionë vende pune

Në rrezik nga pandemia e koronavirusit, janë mbi 50 milionë vende pune në sektorin e turizmit dhe udhëtimeve. Lajmin e bën të ditur Këshilli i Udhëtimit dhe Turizmit Botëror (WTTC). Sipas Këshillit, udhëtimet globale do të ulen me 25% për vitin 2020, ose e thënë ndryshe do të mungojnë 3 muaj udhëtimi në të gjithë botën. Kjo mund të çojë në uljen e punësimit me 12-14%. Gloria Guevara, Presidente dhe drejtore ekzekutive e WTTC, tha se ”Shifrat tona tregojnë ndikimin që do të ketë në udhëtim dhe turizëm pandemia Covid-19. Analizat tona thonë se janë në rrezik rreth 50 milionë vende pune në të gjithë botën”.