Parlamenti Evropian zgjedh italianin David-Maria Sassoli si Presidentin e ri

David-Maria Sassoli, një ligjvënës italian i qëndrës së majtë, u zgjodh Presidenti i ri i Parlamentit Europian. mediat ndërkombëtare njoftojnë se votimi për të u zhvillua ndërmjet tensioneve për postet e tjera të larta të Bashkimit Europian, që janë ende në pritje për t’u miratuar.

Parlamenti Europian e plotësoi postin e kreut të vet të mërkurën, me ligjvënësit që zgjodhën David-Maria Sassoli si Presidentin e ri të asamblesë.

Sassoli, një ligjvënës në bllokun e socialistëve dhe demokratëve të qëndrës së majtë, mori një shumicë absolute me 345 vota në raundin e dytë të votimit.

Kryetari i Grupit Parlamentar të Partisë Socialiste, Taulant Balla ka uruar z. David Sassoli i cili është zgjedhur sot në postin e Presdentit të Parlamentit Europian.

Përmes një postimi në Twitter, numri dy i Partisë Socialiste, Balla shpreh mirënjohjen e tij për rolin e rëndësishëm që ka luajtur si President i Grupit të Miqësisë  me Shqipërinë në Parlamentin Europian.

“Urime David Sassoli për zgjedhjen e tij në postin  e Presdientit të Parlamentit Europian.

Mirënjohës për rolin e tij të rëndësishëm si President i Grupit të Miqësisë me Shqipërinë në Parlamentin Europian. Sapo i dërgova atij urimet më të mira dhe pres të kem një takim sa më të shpejtë me të.”, shkruan Balla.