Rritet frika nga koronavirusi edhe në Rusi, shënohet rekord rastesh në një ditë

Rusia ka konfirmuar të hënën 2,558 raste të reja koronaviruse, duke e çuar numrin zyrtar të vendit në 18,328 dhe duke shënuar rekordin e të infektuarëve në një ditë.

Gjithashtu numri total i viktimave ka shkuar në 148 persona. Nga këta, 18 kanë vdekur nga Covid-19 vetëm orët e fundit.

Numrat e raportuar zyrtarisht të Rusisë, të cilat janë ende relativisht më të ulëta se ato në vendet evropiane kanë ngjallur dyshime. Ekspertët paralajmërojnë se kapaciteti i testimit të Rusisë pengohet nga burokracia, ndërsa zyrtarët paralajmërojnë se numri i vërtetë i rasteve ka të ngjarë të jetë shumë më i lartë.

Shumica e rasteve të infeksionit janë në Moskë. Që nga 30 Marsi, të gjithë 12 milion banorët e Moskës janë urdhëruar të qëndrojnë në shtëpitë e tyre me disa përjashtime.

Në të gjithë botën, virusi ka infektuar mbi 1.8 milion persona.