Shokon zyrtari: Të moshuarit të vdesin për hir të ekonomisë

Në një kohë kur bota po lufton për kurën ndaj Covid-19, zv/guvernatori i Teksasit ka shkaktuar debate të shumta në rrjet, sa i takon një deklarate të tij rreth koronavirusit. Dan Patrick thotë se ai më mirë do të zgjidhte të vdiste sesa të shihte masat e shëndetit publik të dëmtonin ekonominë amerikane, duke shtuar se beson që edhe shumë prej gjyshërve në të gjithë vendin pajtohen me të. ”Mesazhi im: le të kthehemi në punë, le t’i kthehemi jetës. Mos e sakrifikoni vendin”. Nga ana tjetër, ai ka shtuar se kishte frikë se kufizimet e shëndetit publik për të parandaluar koronavirusin mund t’i japin fund jetës amerikane dhe se ai është i gatshëm të rrezikojë jetën për të mbrojtur ekonominë për nipërit e tij.