Skandal në Shkup, hotel mbi themelet e shtëpisë së Nënë Terezës

Qendrës së Shkupit do t'i shtohet edhe një hotel i stilit barok, i cili do të ndërtohet tek shtëpia ku lindi dhe u rrit Gonxhe Bojaxhiu e njohur në tërë botën si Nënë Tereza, aty ku së pari ishte paraparë që të ndërtohej kisha “Shën Elena dhe Kostandini “.

Agjencia e lajmeve “INA” shkruan se qeveria e Maqedonisë nuk ka hequr dorë nga zhdukja e gjurmëve të shtëpisë së Gonxhe Bojaxhiut, ­Nënës Terezë.

Sipas “INA”­s pas dislokimit të shtëpisë së saj në një vend që nuk ka qenë asnjëherë, mbi themelet e shtëpisë së Bojaxhinjve u parapa të ndërtohej kisha, më pas shkallët spanjolle dhe tani së fundi iu dha dritë jeshile ndërtimit të hotelit të stilit barok.

Por “INA” shton se ndryshe nga vitet e kaluara, ku sektori civil ngrinte zërin, sot organizatat joqeveritare shqiptare nuk kanë zë.