Ish-zv Ministri i Energjetikës Enno Bozdo, thotë se kemi një katastrofë menaxheriale dhe financiare të kompanive të sektorit energjetik. Për të qëllimi i deklaratës së Ramës për krizë të jashtëzakonshme energjetike është për të futur në panik popullatën dhe për të justifikuar rritjen e çmimit të energjisë elektrike.
“Unë besoj që qëllimi i deklaratës është politik, që të fusë panikun në popullatë dhe e ka arritur për të justifikuar atë që mendoj se është qëllimi fundor, rritja e çmimit të energjisë elektrike në pamundësi për ta bërë me arsye të tjera dhe performanca e kompanive në sektorin energjetik është në nivelin më të ulët kemi të bëjmë me katastrofë financiare dhe menaxheriale”,-tha në ”A2cnn”.
Bozdo sjell në vëmendje rritjen e çmimit të naftës në vitin 2009, që varionte nga 120-1400 dollarë për fuçi, përkundër 100 dollarëve për fuçi që është sot. Për të kryeministri i asaj kohe, që ishte Sali Berisha nuk alarmoi popullatën.
