Irena Gjoka është gjyqtarja e re e cila do të shqyrtojë akuzat e ngritura së fundmi nga Prokuroria e Posaçme (SPAK) ndaj ish-ministrit të Mbrojtjes, Fatmir Mediu, për tragjedinë e Gërdecit.
Gjoka u caktua gjyqtare e re, pasi gjyqtari Erjon Çelja dha dorëheqjen nga çështja në fjalë, për shkak se kishte shqyrtuar kërkesën fillestare të SPAK-ut.
Ndërkohë, pritet të caktohet data për seancën paraprake nëse dosja e SPAK-ut për Mediun lidhur me Gërdecin, do të kalojë ose jo për gjykim.
