OpenAI ka njoftuar një përditësim të madh për chatbotin e tij ChatGPT. Ai do të jetë në gjendje të bëjë biseda me zë me përdoruesit.
Sipas faqes së internetit OpenAI, përdoruesit do të mund të kenë biseda aktive me ChatGPT, t’i kërkojnë chatbot-it t’i tregojë familjes një histori para gjumit ose të organizojnë një debat gjatë darkës.
Kompania nga Kalifornia tha se po prezanton gjithashtu një veçori të re që lejon chatbot t’i përgjigjet pyetjeve që përmbajnë një imazh.
Për shembull, një përdorues mund të bëjë një fotografi të përmbajtjes së frigoriferit të tij dhe t’i kërkojë ChatGPT të krijojë një recetë duke përdorur përbërësit në frigorifer.
