Juventus po bën planet për merkaton e kësaj vere, ku priten të bëhen ndryshime të shumta. Federico Chiesa është një nga lojtarët që pritet të largohet.
Pas një sezoni shumë të vështirë të sulmuesit italian që u rikthye nga dëmtimi i gjatë, ky i fundit mund t’i japë lamtumirën “zonjës së vjetër” në merkaton e verës.
Sipas “Gazzetta dello Sport”, klube të mëdha nga Europa janë të gatshme për të përfituar shërbimet e 25-vjeçarit. Liverpool dhe Bayern Munchen duket se kanë nisur një garë për Chiesan, me një ofertë fillestare që shkon në 40-45 milionë euro.
Bardhezinjtë tashmë po mendojnë skenarin e largimit të 25-vjeçarit dhe janë në kërkim të një sulmuesi tjetër me karakteristikat e tij. Ditën e djeshme në Continassa ka pasur një takim mes drejtuesve të Juventusit dhe Marco Budiello, agjenti i Nicolo Zaniolo dhe Wilfried Gnoto.
