Manchester City mori një tjetër fitore të rëndësishme në duelin javës së 27-të. “Qytetarët” mposhtën me rezultatin minimal 1-0 Evertonin e Frank Lampard. Ishte Phil Foden ai që shënoi golin e vetëm të takimit duke i dhënë edhe tre pikët City-t.
Në minutën e 82-të, ishte talenti anglez Foden ai që çoi topin në rrjetë duke i dhënë edhe tre pikët ekipit të Guardiolës. Manchester City ngjitet në kuotën e 66 pikëve, gjashtë më shumë se Liverpooli i vendit të dytë. Këta të fundit ndërkohë, kanë edhe një ndeshje më shumë për të luajtur.
Evertoni qëndron në vendin e 17-të, një pikë më shumë nga zona e ftohtë që të çon një kategori më poshtë.
