Prej vitesh, BE-ja përmes Raporteve të Progresit në vazhdimësi i tërheq vërejtje Kosovës për luftimin e krimit të organizuar dhe kontrabandës.
Në raportin e fundit të vitit 2020, specifikon se situata në veri të Kosovës në lidhje me krimin e organizuar vazhdon të paraqes sfida për agjencitë e zbatimit të ligjit. ”Ka ende pak hetime financiare, konfiskime të pasurisë dhe dënime përfundimtare”.
Por shoqëria civile thotë se deklarata e djeshme e përfaqësuesit për Politikë të Jashtme dhe Siguri, Josep Borrell, është paradoksale.
Ekonomia joformale që përfshinë shmangien e TVSH-së dhe ekonomia e zezë ndikojnë afër 35 përqind në ekonominë edhe ashtu të dobët të vendit. Kryetari i Odës Ekonomike të Kosovës, Berat Rukiqi thotë se kjo dëmton financiarisht shtetin dhe bizneset.
