E pazankontë është ngjarja në Mat, atje ku djallin e vrasin me kaçavidë. Një 48-vjeçar ka ushtruar dhunë fizike dhe psikologjike ndaj bashkëjetueses së tij, por historia nuk mbaron me kaq.
48-vjeçari për të justifikuar dhunën, kishte paguar një person nga Kosova, për ta shëruar pasi pretendonte se gruas së tij i kishin bërë magji. Personi që supozohet se i heq asaj magjinë, e godet atë me kaçavidë në disa pjesë të trupit. 36-vjeçari, i cili vinte nga Kosova në banesën e 48-vjeçarit, për të “shëruar” 33-vjeçaren po ndiqet penalisht për mashtrim.
Gjatë kontrollit në banesën e 48-vjeçarit u gjetën dhe u sekuestruan 380 copë fishekë luftarak. 33-vjeçarja, si pasojë e dhunës është dërguar nga familjarët e saj për trajtim mjekësor dhe në spitalin psikiatrik, Tiranë.
