Dortmund rrëmbeu fitoren e dytë radhazi në kampionat, duke mundur në shtëpi Freiburg në shifrat 5-1, duke vulosur gjithçka që në pjesën e parë. Thomas Meunier arriti që të zhbllokonte rezultatin që në minutën e 14-të, ndërsa pa u mbushur gjysmë ore lojë ishte sërish belgu që realizoi golin e dytë për këtë sezon.
Pa u mbyllur pjesa e parë ishte radha e Haaland, i cili shënoi golin e tretë ndaj Freiburg. Freiburg ngushtoi diferencën me anë të Demirovic, megjithatë nuk ishte i mjaftueshëm për skuadrën e Streich. Për të vulosur gjithcka mendoi Haaland, i cili shënoi dhe golin e dytë personal në këtë takim dhe të katërtin për Dortmund.
Ky ishte goli i 15 sezonal për norvegjezin në 13 ndeshje. Verdhezinjtë i ushtrojnë presion Bayernit, që e shohin vetëm 3 pikë larg, megjithatë bavarezët kanë një ndeshje më pak se Dortmund.
