Kristjan Asllani ka shënuar këtë muaj kulmin e karrierës së tij, teksa është shpallur kampion në Serinë A me Interin. Ai është kthyer në një element të rëndësishëm në grupin zikaltër dhe këtë e tregoi edhe fakti se luajti titullar në sfidën e mbrëmshme në Serinë A ndaj Sassuolos.
Por pas përfundimit të sfidës së luajtur në transfertë, Asllani nuk është kthyer në Milano. Ai ka postuar në rrjete sociale foto nga stadiumi “Carlo Castellani” i Empolit, ku ish-skuadra e tij, luante përballë Frosinones një ndeshje të rëndësishme për mbijetesën në Serinë A.
Një foto e shoqëruar me një zemër blu për Asllanin, i cili padyshim mbetet ende një tifoz i skuadrës tek e cila u bë i famshëm dhe iu dha shansi që më pas të bëhej pjesë e Interit.
