3 persona mbetën të plagosur në një aksident me makinë këtë të diel në Vlorë. Ngjarja ndodhi rreth orës 19:00, në aksin rrugor Vlorë-Kotë, në bypass.
“K. K., 51 vjeç, duke drejtuar automjetin tip “Benz”, dyshohet se ka humbur kontrollin dhe si pasojë ka dalë nga rruga. 51-vjeçari, së bashku me 2 pasagjerët që udhëtonin me të, shtetasit T. M, dhe L. M, ndodhen në spitalin e Vlorës, nën kujdesin e mjekëve”, thuhet në njoftim.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
