Droga dhe të rinjtë, është një fenomen shqetësues. Nga nëntori i vitit 2020 e deri në tetor të këtij viti, në Shqipëri ka 1320 raste të referuara në fushën e drogave. Nga të dhënat e qendrës “Fol”, peshën më të madhe të referimeve në polici e prokurori e zë vepra penale e “Prodhimit dhe shitjes së narkotikëve”, me 711 raste.
Shqetësuese sipas ekspertëve është rritja e numrit të të miturve të përfshirë. Krimi i organizuar, i cili merret me trafikimin e drogave të forta në vendin tonë aplikon dhe kodin e heshtjes.
Referuar të dhënave statistikore, prokuroria ka vendosur për 51 për qind të rasteve mosfillim hetimesh në fushën e drogave për shkak se shumica e të ndaluarve janë përdorues të lëndëve narkotike. Kurse nga analizat toksikologjike, masa e lejuar për një përdorues është deri në 5 miligramë.
