Një episod i pabesueshëm ka ndodhur në fundin e ndeshjes Cesena-Olbia, ndeshje në Grupin B të Serisë C. Në minutën e 90-të, me fitoren e vendasve falë golit të Corazza-s, babai i sulmuesit shqiptar, Cristian Shpendit (Cesena) zbriti nga tribunat e stadiumit Manuzzi deri në fushë për të sulmuar portierin, Filippo Rinaldi. Duke përfituar edhe nga fundi i tensionuar i ndeshjes, goditi me grusht në fytyrë Rinaldin.
Sipas asaj që është mësuar, çmenduria e babait të Shpendit është motivuar nga një goditje që portieri Rinaldi i kishte dhënë djalit të tij gjatë ndeshjes, teksa sulmuesi u detyrua të largohej për shkak të një dëmtimi në vetull. Përveç babait të Shpendit, Cesena tani rrezikon një gjobë dhe skualifikim të fushës.
