Bernie Ecclestone punoi ngushtë me Vladimir Putin kur e dërgoi Formula 1 në Rusi, më 2014. Sot, 91-vjeçari ka folur për presidentin rus, i cili ka nisur një sulm pushtues ushtarak në Ukrainë dhe po urrehet nga mbarë bota.
Gjatë një interviste radiofonike, ish-numri 1 i Formula 1 mbrojti kryesisht Putinin dhe reflektoi mbi marrëdhëniet e tij me të.
“Si person e kam njohur atë shumë të drejtpërdrejtë dhe të nderuar. Ai bëri pikërisht atë që tha se do ta bënte pa asnjë diskutim. Unë mendoj se varet shumë nga situata e saktë midis Ukrainës dhe Rusisë.
Supozoj se njerëzit e përfshirë në këtë ngjarje do të vendosin për të. Ndoshta njerëzit e tjerë mendojnë se ishte gjëja e duhur për ta zhvilluar në Rusi. Pra, si mund të gjykojë saktësisht dikush tjetër nga jashtë se çfarë po ndodh sot?”, tha Ecclestone për “Times Radio”.
