Kryeministri Rama në Kongres foli për shumë probleme të PS dhe qeverisjes. Por më pikante ishte pjesa e fjalimit kur tha se thonë se “ky i gjati nuk të mbron nga SPAK”.
Dhe më tej tha me mllef që nëse duan të vjedhin e duke shkelur besimin që u kam dhënë, le të shkojnë në ferr.
Po dëgjoj të thonë pse po ha vetëm këtej nga ne sharra e SPAK, nuk di ça te them për sharën e tyre, por di të them për sharrën tonë sepse ne as nuk e kemi kapur dhe as duam ta kapim drejtësinë. Unë nuk kam bërë shaka kur kam thënë që duam një drejtësi të pastër në këtë vend sepse nuk është i yni por i fëmijëve tanë dhe as bëj shaka kur u them juve të gjithëve kush shkel në dërrasë të kalbur në këtë familje të shkojë të marrë avokat.
Kjo parti nuk jep shërbime avokatie për asnjë ministër, deputet a kryetar bashkie dhe për asnjë zyrtar, anëtarë i kësaj familje që thirret nga organet e drejtësie.
Me tej Rama shtoi se pak çudi është se pse vetëm nga ne po marrin në SPAK. Nuk e di pse nuk e marrin BERISHËN që vrau dhe vodhi!?
Ndërkohë që kryeministri tha si një kritikë për drejtësinë e re kur foli për arrestimin e ish-zv/ministres së brendshme për një arkë peshk.
“Epo kthehem tani tek ajo që u dha burg për një arkë peshk, për një punësim që edhe nuk u bë. Çfarë dreqin bëhet kështu ndërkohë që janë me dhjetëra e dhjetëra të vdekurit nga politikanët që kanë emër dhe mbiemra që rrotullohen ende në varr në kërkim të drejtësisë pa llogaritur vjedhje kolosale që tani vetëm SPAK nuk i di!
Burgoset një grua për 10 kile peshk dhe çudia e çudive është se ndërkohe që SPAK vihet në lëvizje edhe nga një deklaratë partie, kuptohet e partive të tjera, akoma nuk është vënë në lëvizje nga deklarata më e rëndë që është bërë zyrtarisht në 30 vjet, ajo e SHBA për ish-kryeministrin Berisha”, tha Rama.
Me pas Edi Rama tha prerë: “Që SPAK duhet të hetojë nëse ky person nongrata ka vjedhur apo jo, ka apo jo të drejtë SHBA në ato që thotë”- insistoi kryeministri.
