Kreu i grupit parlamentar të Partisë Socialiste, Taulant Balla, ka ngritur shqetësimin për gjendjen në hyrje të varrezave të Golemit.
Përmes një postimi në rrjetet sociale, Balla ka publikuar pamje nga zona, duke e cilësuar situatën si të papranueshme dhe duke i bërë thirrje Bashkisë Kavajë që të ndërhyjë.
“Shikojeni këtë situatë të tmerrshme tek hyrja e varrezave Golem. Aloooo Bashkia Kavajë”, shkruan Balla në reagimin e tij.
Mesazhi i kreut të grupit parlamentar të PS-së vjen si një apel publik ndaj pushtetit vendor për të marrë masa dhe për të përmirësuar gjendjen në këtë hapësirë.