Deputeti socialist Erion Braçe vijon të bëjë opozitën brenda mazhorancës socialiste.
Ditën e sotme, Braçe ka debatuar ashpër me zëvendësministrin e Energjisë, Ilir Bejtja, në Komisionin e Ekonomisë dhe Financave.
Braçe ka qenë në mbështetje të fermerëve vendas dhe problematikave me të cilat përballen ata, është shprehur se ashtu siç janë rritur çmimet e hekurit apo produkteve të tjera të ndërtimit, është normale të pritet që edhe gruri të rritet sipas çmimeve të bursës.
Ndërsa Bejtja është përgjigjur se një gjë e tillë nuk mund të ndodhë pasi aktualisht çmimi i grurit në vendin tonë është në përputhej me atë të bursës.
Pjesë nga debati
Erion Braçe: Ky afat kaq i gjatë pa bërë analizë nëse kontrata është apo jo me afat krijon mundësi për spekulim sepse në 1 janar 2022 çmimet janë rritur, pretendoni ju.
Ilir Bejtja: Mund të përjashtohen kontratat që janë jashtë afatit.
Është në diskrecionin tonë dhe tuajin ta vërtetojmë dhe kontratat jashtë afateve paguajnë penalitete dhe nuk mbështeten.
Braçe: Do ta shohim. Po i bëj thirrje kujtdo që grurin ta shesin me çmimin e bursës.
Bejtja: Nuk e shesin dot se është më lirë gruri në bursë se këtu.
Braçe: Po hekuri si është?
Bejtja: Shitet në çmim burse. Jam dakord që çmimi i grurit duhet ngritur për të mbuluar kostot por këtu nuk jemi për këtë çështje.
