Nënkryetarja e Kuvendit, deputetja Ermonela Felaj, thotë se PS-ja qëndron e vendosur të për mos e njohur grupin e Rithemelimit të drejtuar nga Sali Berisha si PD-ja zyrtare, duke mos dhënë asnjë “dritë jeshile” dialogu me të.
“Deklarata e ambasadave i shoh të lidhura dhe me një deklaratë të bërë më shumë se një muaj e gjysmë më parë. Është bërë nga ambasada amerikane dhe britanike. Konfirmohet se nuk kemi ndryshuar pozicionin tonë mbi individë non grata.
Qartësisht dhe mazhoranca këtë qëndrim ka mbajtur. Janë deklarata që i drejtohen si mazhorancës dhe opozitës. Në thelb të punës së Kuvendit qëndron dialogu. Me Berishën s’ka dialog. Ai t’i nënshtrohet dialogut me drejtësinë”,-tha Felaj.
