Festivali “Sunny Hill” nuk do të mbahet këtë vit. Sipas organizatorëve, ata janë duke kërkuar një hapësirë të re. Gjithashtu përmes një njoftimi në faqen zyrtare të festivalit në Instagram, u njoftua se datat për mbajtjen e “Sunny Hill” janë zhvendosur për në gusht të vitit 2024.
“Ne besojmë se nxitimi i procesit të punës do të zvogëlonte cilësinë dhe esencën e asaj që “Sunny Hill Festival” përfaqëson. Duke qenë edhe vet fansa të muzikës dhe festivaleve, ne besojmë shumë në ofrimin e përvojës unike dhe të jashtëzakonshme që ne si festival duhet ta ofrojmë.
Prandaj, kemi marrë vendimin e vështirë për ta shtyrë edicionin e këtij viti të Sunny Hill Festival, që t’i japim kohë krijimit të hapësirës së re. Ruani datat për një edicion masiv të “Sunny Hill Festival” në fundjavën e parë të gushtit 2024”.
