Kryetarja e Kuvendit, Lindita Nikolla dhe delegacioni shoqërues po vijojnë vizitën zyrtare në Kanada. Gjatë një vizite në Kolegjin e Forcave të Armatosura të Kanadasë, Nikolla shkruan se u bë për t’u njohur me programet e përgatitjes së Forcave të Armatosura dhe mundësitë e aplikimit për ushtarakët shqiptarë.
”Shqipëria dhe Kanadaja ndajnë të njëjtat qëndrime dhe angazhime për të gjitha çështjet globale dhe njëkohësisht po rrisin bashkëpunimin në OKB, ku 🇦🇱 shërben si anëtare jo e përhershme e Këshillit të Sigurimit.
Partnere të denja në NATO për mbrojtjen e sigurisë dhe të paqes. Një vizitë intersante në Kolegjin e Forcave të Armatosura të Kanadasë, për t’u njohur me programet e përgatitjes së Forcave të Armatosura dhe mundësitë e aplikimit për ushtarakët shqiptarë”,-shkruan Nikolla.
