Pas votimit në Kuvend dhe vulosjes nga Presidenti, në institucionet e vuajtjes së dënimit në vend janë duke u përgatitur listat e personave që përfitojnë nga amnistia penale.
Janë 700 të burgosur në total që do të fitojnë lirinë ndërsa 400 të tjerëve do t’u ulet dënimi. Nga burgu i Reçit priten të lirohen të paktën 130 persona.
Nga burgu i Fierit do të lënë qelinë rreth 100 të dënuar. Ndërkohë në burgun e Drenovës do të përfitojnë nga amnistia 120 të burgosur. 40 prej tyre pritet te lirohen ndërsa 80 të burgosur të tjerë do të përfitojnë nga ulja e dënimit.
Listat po përgatiten edhe në burgun e Vlorës. Drejtori i shërbimit të provës thotë se amnistia do u japë lirinë 88 personave, mes tyre 6 grave. 700 të dënuarit që përfitojnë nga amnistia penale pritet të lënë qelitë në fund të muajit prill.
