Mesfushori i Barcelonës, Gavi, ka fituar çmimin “Golden Boy” për vitin 2022, në edicionin e tij të dytë. Pasi e mori Pedri, një vit më parë, këtë herë ka qenë radha e një tjetër futbollisti të katalansve për t’u shpallur si më i miri mes 50 finalistëve.
Në garë ishin edhe Jude Bellingham nga Borussia Dortmund, Jamal Musiala nga Bayerni dhe Eduardo Camavinga nga Real Madrid, si 3 lojtarët më potencial për ta sfiduar.
Barcelona është e mbushur me futbollistë të talentuar të cilët i merr nga akademia, që e ka si ndër më të mirat në botë. /R.Lika-Koha Jonë/