Gjatë konferencës me gazetarët pas ngjarjeve kriminale në vend, Edi Rama është pyetur edhe për pakënaqësinë e tij ndaj kryebashkiakut të Vlorës, Dritan Leli.
Gazetarja duke i’u referuar edhe takimit në fundjavë me strukturat e PS në Vlorë, ku kreu i qeverisë nuk i ka kursyer kritikat për Lelin, e pyeti Ramën për zanafillën e këtij konflikti. Rama u përgjigj duke thënë se gazetarja nuk e di se çfarë ka thënë në atë mbledhje, pasi nuk ka qenë aty.
Marrëdhëniet mes kryeministrit Edi Rama dhe kryebashkiakut të Vlorës, Dritan Leli nuk janë aspak të mira, pasi ky i fundit nuk pranoi të kandidonte për deputet në zgjedhjet e 25 prillit. Dyert në PS dhe qeveri janë mbyllur për Dritan Lelin.
