Një 42-vjeçar shqiptar ka ndërruar jetë mëngjesin e sotëm në Leçe, të Italisë.
Mediat italiane, bëjnë me dije se shqiptari i identifikuar si F.C. i cili banonte në Taviano, është gjetur pa shenja jete i shtrirë në tokë, në vendin e punës.
Mësohet se ai punonte në një strukturë private, kujdesej për gjelbërimin, krasitjen e pemëve dhe kopshtit.
Informacionet janë kontradiktore dhe ende nuk dihet nëse shqiptari ra nga pema gjatë krasitjes dhe humbi jetën apo shkak ka qenë ndonjë goditje kardiake që i mori jetën në vend.
