Kreu i Shtatmadhorisë Amerikane, gjenerali Mark Milley, deklaroi se ekzistojnë mundësitë që Shtetet e Bashkuara të bashkëpunojnë me talebanët.
Për të kjo mund të bëhet për çdo sulm të ardhshëm kundër terrorizmit në Afganistan, kundër militantëve të Shtetit Islamik apo grupeve të tjera.
“Talebanët janë grup “i pamëshirshëm” dhe “mbetet për t’u parë nëse ata do të ndryshojnë. Në luftë bëhet ajo që duhet për të zvogëluar rrezikun dhe jo domosdoshmërisht ajo që do të dëshironim të bënim”, tha gjeneral Milley dy ditë pasi trupat e fundit amerikane u larguan nga Afganistani.
