Zjarret në vend kanë çuar në një ”përplasje”. PD dhe LSI, hedhin akuza në distancë për menaxhimin e krizës së zjarreve. Zjarre të cilat do të ishin vënë nën kontroll nëse do të kishte pasur ndërhyrje nga ajri. A2 CNN sjell kontratën e Ministrisë së Mbrojtjes ku tregon blerjen e 6 helikopterëve nga të cilët dy për emergjencat civile.
Ku janë helikopterët e Shqipërisë? Kësaj pyetje nuk po i japin përgjigje zyrtarët shtetërorë në një kohë kur këto mjete janë më të domosdoshme se kurrë, dhe në kohë paqeje si këto e për një vend të vogël si Shqipëria, dedikimi kryesor i Forcave tona është përgjigjja ndaj emergjencave civile.
Zjarret janë shtrirë në zonat malore të vendit ku ndërhyrja nga ajri është e domosdoshme dhe rezulton që të ketë edhe ndërhyrje si këto.
Sipas kësaj kontrate të miratuar në 31 korrik 2014, shteti shqiptar ka blerë katër helikopter nga të cilët 4 janë të modelit cugar ushtarak, ndërsa dy të tjerë janë helikopter për emergjenca civile. Vlera e këtyre gjashtë mjeteve fluturuese ishte e kripur mjaftueshëm për financat shqiptare, plot 78.6 milionë euro.
