Konyaspori, klubi i Superligës turke, ku bën pjesë edhe Sokol Cikalleshi, ka prezantuar Valon Ethemin si lojtarin më të ri të skuadrës.
26-vjeçari ishte pjesë e Istanbulsporit prej janarit të vitit 2021, ekip me të cilin ka shënuar në total 21 gola.
Ethemi është huazuar te Konyaspori deri në fund të sezonit, me klubin e ri që ka të drejtën e blerjes së kartonit të tij në verë.
Sulmuesi i majtë ka zgjedhur fanellën me numër 72 në këtë aventurë të re. Ethemi ka luajtur më parë në Shqipëri me Kukësin dhe Mamurrasin.