Federata Italiane dhe ajo Turke e Futbollit, i kanë dërguar një letër UEFA-s në të cilën shpallin kandidaturën për të organizuar së bashku Kampionatin Evropian të vitit 2032.
Deri më tani, Italia dhe Turqia ishin dy kandidatët e vetëm, prandaj, duke përjashtuar surprizat, po lëvizim drejt caktimit të dy vendeve për organizimin e kompeticionit kontinental të kombëtareve.
Vendimi erdhi pas një takimi, i cili u zhvillua në Romë ditët e fundit, midis presidentit të FIGC, Gabriele Gravina, dhe homologut të tij Mehmet Büyükekşi.
Caktimi i vendit organizator të “Euro 2032” është planifikuar për 10 tetorin e ardhshëm nga UEFA, gjatë mbledhjes së Komitetit Ekzekutiv të planifikuar në Nyon.
