BW ka siguruar identitetin e viktimës dhe të plagosurve nga ngjarja e rëndë në një lokal në Don Bosko në Tiranë. Sipas policisë, viktimë ka mbetur Erion Çela rreth 35-vjeç. I plagosur ka mbetur edhe vëllai i viktimës, Blerim Çel, 28 vjeç. Sipas raportimeve ai ka marrë dëmtime në këmbën e djathtë dhe fytyrë.
Po ashtu, Azbi Selimaj, 19 vjeç ka mbetur i dëmtuar në shpatull. Ky i fundit ndodhet në gjendje të rëndë në Spitalin e Traumës dhe mjekët kanë deklaruar se plagët e shkaktuara nga plumbat kanë prekur organet jetësore. Një tjetër i plagosur është Edmond Crroj, 41 vjeç. Raportohet se ai ka marrë lëndime në bark e këmbë.
Kujtojmë se ngjarja e rëndë ka ndodhur rreth orës 16”20 në një lokal në zonën e Don Boskos në Tiranë. Viktima dhe të plagosurit, ishin duke konsumuar një kafe kur janë qëlluar me breshëri kallashnikovi nga persona jashtë lokalit.
