Juventus ishte mbretëresha e merkatos së janarit në Seria A, por rrezikon që e njëjta gjë të ndodhë edhe në verë. Pas Vlahovic dhe Zakaria, skuadra bardhezi synon të vijojë revolucionin edhe në verë.
Trajneri Allegri u ka bërë të ditur drejtuesve se vetëm Locatelli është i pashitshëm në repartin e mesfushës, ndërkohë që ende nuk është vendosur për fatin e McKennie, që ka dhënë sinjale pozitive deri më tani.
Synimi i radhës në këtë repart problematik është Franck Kessie. Mesfushori i Milanit shihet si një shans i artë, duke marrë në konsisderatë faktin që i skadon kontrata në qershor.
Juventus është gati që t’i ofrojë 8 milionë euro në sezon, nga 5 që i ka propozuar Milani për rinovimin. Allegri po merr futbollistët që ka pasur nevojë për të ndërtuar një mesfushë të fortë si në kohën e Pirlos, Pogba, Vidal dhe Marchision. /R.Lika-Koha Jonw/