“Gazzetta dello Sport” rikthehet të flasë për aksin mes Juventusit dhe PSG-së, që mund të intrigohet fort në merkaton e janarit, me protagonistë emrat e Mauro Icardit dhe Arthur.
Të dy futbollistët në fjalë janë të pakënaqur me situatat e krijuara në klubet e tyre përkatëse. Sipas prestigjiozes sportive italiane, ideja e një shkëmbimi mes të dyve ka nisur të marrë formë ditët e fundit.
Flitet vetëm për huazim si fillim, me mundësi blerjeje (këmbimi) përfundimtare në të ardhmen. Është e mundur që Leonardo dhe PSG të jenë të interesuar për këtë skenar, të intriguar nga lloji i lojtarit (Arthur).
Nga përfaqësuesit e Mauritos, gatishmëria për të luajtur muajt e ardhshëm i huazuar në Torino ka mbërritur tashmë, edhe pa sigurinë e blerjes përfundimtare.
