Ish-ministrja e Arsimit, deputetja e PS-së Evis Kushi thotë se forca e saj politike ka filluar përgatitjet e saj për zgjedhjet parlamentare të 2025.
Ajo tha se arsyeja se pse fiton PS nuk lidhet me faktin se përballë kanë kundërshtarë të dobët, por se janë çdo ditë në terren dhe pranë njerëzve.
“Ne jemi në territor çdo ditë. Kjo është arsyeja pse fitojmë, sepse jemi pranë njerëzve, ne rigjenerojmë partinë, ne nuk kemi fushata elektorale, ne jemi gjithë kohës në fushatë. Nëse Gazment Bardhi prej zgjedhjeve të 2021 nuk ka shkelur në Elbasan. Ne, deputetët e mazhorancës jemi aty. Ne nuk fitojmë se ata janë të dobët. Ne fitojmë sepse punojmë seriozisht, si me ata përballë si pa ato”, tha ajo.
