Diplomacia kosovare, rikthehet Enver Hoxhaj

Enver Hoxhaj shumë shpejt pritet të marrë drejtimin e diplomacisë kosovare, duke zëvendësuar Hashim Thaçin në postin e ministrit të Punëve të Jashtme të Kosovës.

Zgjedhja e Hashim Thaçit në postin e presidentit ka lënë zbrazët dy poste, atë të zëvendës-kryeministrit dhe atë të ministrit të Punëve të Jashtme.

Ku Enver Hoxhaj është personi që do ta pasojë atë në krye të diplomacisë, dikaster këtë që e kishte udhëhequr edhe në mandatin qeverisës shkurt 2011 deri në dhjetor të vitit 2014.

Gjatë kohës sa Hoxhaj ka udhëhequr Ministrinë e Punëve të Jashtme pati disa arritje të shtetit të Kosovës, njohje ashtu edhe në anëtarësimin në organizata rajonale dhe ndërkombëtare.

Duket se Hoxhaj është vlerësuar si më i denjë për ta rimarrë këtë post edhe pse zëvendës-ministri i Punëve të Jashtme, Petrit Selimi, ka shprehur prej kohësh dëshirën e tij për të marrë këtë post.