Gjuan me armë në dasmë, plumbi qorr lëndon rëndë një person

Në fshatin Zhabar i Ulët të Mitrovicës, është arrestuar i dyshuari mashkull shqiptar, pasi  i njëjti gjatë një ahengu familjar ka shtënë me armë zjarri.

Si pasojë një plumb qorr ka goditur viktimën mashkull shqiptar, i cili ka pësuar lëndime trupore dhe është dërguar për trajtim mjekësor, raporton Policia e Kosovës. Te i dyshuari është gjetur dhe konfiskuar një AK-47 dhe dy gëzhoja. Me vendim të prokurorit i dyshuari është liruar në procedurë të rregullt.