Milionat e Erdoganit në Kosovë

Me miratimin e ish-kryeministrit turk, tani presidentit Rexhep Erdogan, Kosova është vërshuar nga investime milionëshe, jo në ekonomi, as në projektet zhvillimore investive, por në ndërtimin e restaurimin e objekteve fetare.

Paratë vijnë në mënyrë joligjore, nuk hyjnë përmes transaksioneve bankare.

Në shumicën e investimeve nuk ka transparencë, duke rritur dyshimet edhe për larje të mëdha të parave të Erdoganit në Kosovë, shkruan gazeta Zëri.

Dhjetëra xhami të reja nëpër Kosovë, si dhe restaurimi i gati të gjitha xhamive e objekteve tjera fetare të ndërtuara në kohën e pushtimit të Perandorisë Osmane, po rikthehen nga donatori kryesor, Agjencia Turke për Bashkëpunim dhe Koordinim (TIKA).

Ajo është themeluar nga qeveria turke, e cila në Kosovë udhëhiqet nga Ambasada turke.